Warkii ugu dambeeyay ee Duqeyn lagu laayay Shabaab oo ka dhacday Garbahaareey (Tirada Dhimashada)

Gudoomiye ku xigeenka dhanka amniga ee gobolka Gedo Cismaan Nuur Xaaji ayaa sheegay in 40 katirsan Aal shabaab lagu dilay Duqeyn dhanka cirka ah oo ka dhacday duleedka magaalada Garbahaarey.

Cismaan ayaa xaqiijiyay in Diyaaradaha Dagaalka Kenya ay fuliyeen Duqeynta oo uu sheegay in lala bartilmaameedsaday Goob ay ku shirayaan hogaamiyaal katirsan Al shabaab oo ku taalla deegaanka Kalbis.

Wuxuu sheegay in weerar sidoo kale ay ku dhinteen saddex ruux oo ajaanib ah oo mid kamid ah uu yahay Cadaan, halka labada kalena uu ku sheegay inay ahaayeen kuwa Afrikaan Madow ah.

Duqeynta oo ahayd mid culus ayaa waxay Diyaaradaha Kenya gantaallo ku garaaceen deegaan kale oo lagu magacaabo Funuje, oo qiyaastii 20KM dhanka waqooyi uga beegan magaalada Garbahaarey.

Ma jirto wax war ah oo dhanka Al shabaab kasoo baxay oo ku aadan Weerarka Dauqeynta ah.

Todobaadkii tagey Diyaaradaha Militariga Mareykanka ayaa weerar cirka ah ka fuliyay deegaanka Kuunya Barrow oo ku yaalla gobolka Shabeellaha hoose, kaasi oo lagu dilay tiro Al shabaab.


Shabakada Baahin.com Kala Soco Wararkii Ugu Danbeeyay

Nagala Xiriir E-mail cabkayare@gmail.com

Fikradaha Akhristayaasha (0)