Taliska Amisom oo ku hanjabay iney furi doonaan Wado Muhiim ah oo Shabaab uxiran

Ciidamada Midowga Afrika ee ka howlgala Soomaaliya ayaa sheegay inay bilaabayaan howlgal lagu furayo wado muhiim u ah isu socodka bulshada.

Taliyaha ciidamada AMISOM Jen. Cusmaan Nuur Subagle ayaa sheegay in ciidamada AMISOM ay howlgal ka bilaabayaan Jidka u dhaxeeya Muqdisho iyo Baydhaba si looga sifeeyo goobaha kooxaha ay Alshabaab ku sugan yihiin.

Jeneraalka ayaa intaas ku daray in howgalka uu dhowaan bilaaban doono, isla markaana AMISOM iyo ciidamada dowladda ay u diyaar garoobeen.

Jeneraal Subagle ayaa hadalkan ka sheegay magaalada Baydhaba isagoo uga qaybgalay isbeddelka ciidamada AMSIOM ee dalka Itoobiya.

Jidka isku xira Muqdisho iyo Baydhaba ayaa si joogto Alshabaab uga howlgalaan iyadoo weerarro iyo afduubyo ka fuliya.


Shabakada Baahin.com Kala Soco Wararkii Ugu Danbeeyay

Nagala Xiriir E-mail cabkayare@gmail.com

Fikradaha Akhristayaasha (0)