Sawiro:Ciidamo gaar ah oo Muqdisho lagu soo daadiyay xili

Iyadoo baraha bulshada si aad ah looga hadal haayo banaanbax la qorsheynayo inuu berri ka dhaco Muqdisho ayaa waxaa maanta lagu soo bandhigay magaalada Muqdisho Ciidamo loo diyaariyay ka hortaga rabshadaha.

Ciidamadan ayaa ka soo laabtay dhowaan dalka Jabuuti oo ay ku soo qaateen tababar socday  muddo lix bilood ah.

Munaasabada lagu soo bandhigayey ciidamadan ayaa waxaa ka qeyb galay taliyeha ciidanka booliska Soomaaliyeed, Guddoomiyaha gobolka Banaadir ahna duqa Muqdisho iyo masuuliyiin kale.

Dowladda federaalka ayaa aad uga walwal qabta banaanbaxa la qabanqaabinayo inuu Muqdisho ka dhaco maalinta beri ah kaasoo ay abaabulkiisa wadaan siyaasiyiinta mucaaradka qaarkood.

LEAVE A REPLY

Please enter your comment!
Please enter your name here