Maxaa ka dhashay boobkii doorasho ee ka dhacay Dhuusomareeb, Muqdisho iyo Baydhabo?

Waxaa sii xoogeysanaysa qaylo-dhaanta dal iyo baada ka imaanaysa ee ku saabsan boobka doorashadda Soomaaliya, oo sanadan lagu arkay dhaqan-cusub.

Iyadoo markii horeba jireen caqabado dhowr ah oo ku hor-gudban, ayaa hadda loogu sii darey boobka kuraasta Baarlamaanka [329], oo madaxda DF iyo Maamulada kala qeybsadeen.

Dadka kusoo baxay kuraasta illaa hadda waxay yihiin dhamaantooda kuwa si musuq-maasuq iyo boob ku guuleystay, oo aan galin tartan loo siman yahay musharaxiinta, oo daah-furan.

Saddex meelood oo kaliya – Muqdisho, Dhuusamareeb & Baydhabo ayay ka dhacday doorashadda oo ahayd in 11 goobood lagu qabto, waxaana wali laga billaabin Hirshabelle, Jubbaland iyo Puntland.

Musharixiinta ayaa qaadacay doorashadda, iyadoo Beesha Caalamka joojisay dhaqaalihii ay ugu tala-galeen, kadib markii hanaankii lagu heshiiyay laga leexiyay wadada saxda ahayd.

Madaxda Maamulada iyo Villa Somalia ayaa kuraasta kala qeybsadey, iyadoo qof aan iyaga ka soconna kuma soo baxaya, xitaa waxaa mucaaradka loo diiday inay isku soo sharaxaan.

“Waxa dalka ka socda doorasho ma ahanee, ee magac kale haloo raadiyo,’ ayuu yiri CC Warsame, oo kamid ah Midowga Mushariinta Mucaaradka ee ka shiraya dhismaha Golle Qaran.

Farmaajo wuxuu saameyn ku leeyahay kuraasta lagu dooranayo Muqdisho ee Somaliland, HirShabeelle, Galmudug iyo Koonfur Galbeed, oo madax maamusha isaga meesha geystay.