Masaajid la dhisay 1,200 sano ka hor oo dhulka hoostiisa laga helay (Daawo Sawirro)

Masaajid ka mid ah kuwii ugu horreeyay dunida, oo la dhisay qiyastii 1,200 oo sano ka hor ayaa laga helay saxaraha Negev ee ku yaalla dhulka Israa’iil.

Dad ku taqasusay waxyaabaha taariikhiga ah ayaa waxay sidoo kale sheegeen inuu ka mid yahay masaajidyada ay dhif iyo naadirka tahay in la helo noocooda.

Masaajidkan ayaa la helay xilli shaqo dhisme ah laga sameynayay goobta kuu ku aasnaa.

Sida ay sheegtay Hay’adda qaabilsan waxyaabaha taariikhiga ah ee Israa’iil oo magaceeda loo soo gaabiyo (IAA) Waa masaajidkii ugu horreeyay da’daas ah oo laga helo dhulkaas, waxaana uu la mid yahay Masaajidyo noociisa ah oo laga helay magaalooyinka Maka iyo Qudus

Khubarada lagu kala magacaabo Jon Seligman iyo Shahar Zur ayaa sheegay inay adagtahay in masaajid noocan ah “laga helo meel kale oo ka tirsan caalamka”.

Cilmibaareyaasha ayaa aaminsan in masaajidkan oo ah mid yar ay xilligaas isticmaali jireen beeraley ku nooleyd degaankaas oo carabtu ay maamuli jirtay waagaas.

  

LEAVE A REPLY

Please enter your comment!
Please enter your name here