Home ARIMAHA BULSHADA Daawo:Warkii ugu farxada badnaa caawa Dalxiisayaal Ajaaniib ah oo farabadan oo muqdisho...

Daawo:Warkii ugu farxada badnaa caawa Dalxiisayaal Ajaaniib ah oo farabadan oo muqdisho Uyimid in ku dalxiisaan

4
0

Wasiirka Warfaafinta, Dhaqanka & Dalxiiska, Cabdiraxmaan Cumar Cismaan (Yariisow) ayaa ka qaybgalay casho sharaf loo sameeyay 27 dalxiisayaal u dalka Shiinaha, oo maalmahaanba dalxiis u joogay Magaalada Muqdisho.

Wasiirka ayaa u mahadceliyay shaqsiyaadkii suurtageliyey in 27ka Shiinaha ah inay Muqdisho u soo dalxiistagaan, oo welbia geeyay goobo farabadan sida Liido, Jaziira, Xamarweyne, Tiyaatarka iyo goobo kale.

Wasiir Yariisow ayaa yiri “Waxaan u mahadcelinayaa shaqsiyaadkii suurtogeliyey dalxiisayaashan Shiinaha ah ee keenay Muqdisho, tanoo ah tallaabo ku dayasho mudan, noogana baahan inaan caalamka tusno in Soomaaliya ay tahay dal nabad ah oo dalxiisayaasha caalamka ay iman karaan.”

Wasiir Yariisow oo la hadlay dalxiisayaashan ayaa yiri “Soomaaliya waxay ahaan jirteen dal ay caalamku u soo dalxiistagaan, waxaana idinka rabnaa inaad noqotaan safiiro noo suurtogeliya in dalxiisayaal kale ku soo dhiiradaan oo yimaadaan dalka, bacdamaa ay Soomaalidu ku wanaagsantahay soo dhoweynta, abuurista ganacsiga iyo iyadoo cimilada iyo goobaha dalxiiskaba ay diyaar u yihiin soo dhoweyntiina.”

Yariisow ayaa dalxiisayaasha u sheegay in Muqdisho ay ka furnaan jireen Makhaayado Shiinees leeyihiin oo caan ku ahaa raashinka Shiinaha, haddana ka codsaday dalxiisayaasha inay maalgashi ku sameeyaan Soomaaliya.

Jawaab Dhaaf

Please enter your comment!
Please enter your name here