Sarkaal ka tirsan Booliska Hirshabeelle oo ku dhintay dagaal u dhaxeeya Dabageed iyo Ciidan taabacsan Maamulka

Wararka ka imanaya Koontaroolka Kalabayr ee duleedka Beledweyne ayaa waxaa ay sheegayaan in halkaas uu ka socdo dagaal u dhaxeeya Maamulka Hirshabeelle iyo Guddoomiyihii xilka laga qaaday ee Gobolka Hiiraan.

Dagaalka waxaa ku dhintay Taliyihii qeybta Booliska Magaalada Beledweyne Maxamed Macoow Xalane, waxaa sidoo kale jira khasaare kale oo ka dhashay dagaalka.

Dagaalkan ayaa salka ku haya Khilaaf u dhaxeeya Maamulka Hirshabeelle iyo Yuusuf Axmed Hagar Dabageed kaas oo diiday xilka qaadista.

Dabageed ayaa ku eedeeyay Madaxweynaha Hirshabeelle in uu colaad ka hurinayo Gobolka Hiiraan islamarkaana magacaabayo mas’uuliyiin kala duwan,sidoo kalena qaadanayo Canshuurtii Gobolka.

 


Shabakada Baahin.com Kala Soco Wararkii Ugu Danbeeyay

Nagala Xiriir E-mail cabkayare@gmail.com

Fikradaha Akhristayaasha (0)




ads

WP Facebook Auto Publish Powered By : XYZScripts.com