Hirshabelle oo shaqo joojin ku sameysay gaadiidka rayidka Sh/dhexe

Maamulka Gobalka Sh/dhexe ayaa shaqa joojin ku sameeyay dhamaan gaadiidka qaada dadweynaha kuwaas oo istaacmaala Muqdisho iyo Jowhar wadada xariirisa.

Sababaha gaadiidkaan shaqada looga hor istaagay ayaa ah in Qaar ka mid ah gaadiidleyda Magaalada Jowhar ay shalay ka biyo diideen in ay qaadaan dad shacab ah oo Garoonka Diyaaradaha Magaalada Jowhar shalay ku soo dhaweeyay Madaxweynaha Hirshabelle Maxamed Cabdi Waare.

Gaadiidleyda ayaana Sabab uga dhigay arintaasi in ay jirto cabsi ay Al Shabaab ka qabaan haddii ay qaadaan dadka soo dhaweeya Madaxda.

Amarka gaadiidka shaqada looga joojiyay ayaa la sheegay inuu ka soo baxay Masuuliyiinta Maamulka Gobolka Shabellaha Dhexe oo ka carooday diidmada gaadiidleyda shalay ay sameeyeen.

Qaar ka mid ah gaadiidleyda ayaa Warbaahinta waxa ay u sheegeen inay aad uga xumaadeen go’aanka ka soo baxay Maamulka Gobolka islamarkaana ay dalbanayaan in shaqadooda loo fasaxo.

Ammaanka wadada xiriirisa Muqdisho & Jowhar ayaa noqotay mid faraha ka baxday, kadib markii wadadaasi ay ku bateen weerarada Shabaab ay ka fuliyaan halkaasi.

 


Shabakada Baahin.com Kala Soco Wararkii Ugu Danbeeyay

Nagala Xiriir E-mail cabkayare@gmail.com

Fikradaha Akhristayaasha (0)




ads

WP Facebook Auto Publish Powered By : XYZScripts.com