Siday Kylie Jenner ku noqotay bilyaneerka ugu da’da yar adduunka?

Qoyska lagu magacaabo Kardashian ayaysan mar walba fadeexad ka dhammaanin

Balse markan ma aha fadeexaddii horay looga bartay qoyskan ee qabsan jiray warbaahinta.

Waxay ku saabsan tahay gabadha lagu magacaabo Kylie Jenner oo ka soo jeeda qoyskan, taasoo noqotay bilyaneerka ugu da’da yar adduunka.

Jenner ayaa aqoonsi caalami ah ku heshay barnaamijka qoyskeeda.

21-jirtan ayaa aasaastay isla markaana leh shirkadda Kylie Cosmetics, taasoo saddex sano jirtay, sanadkii horena iibkeeda lagu qiyaasay 360 milyan oo dollar.

Waxay bilyaneernimada ka hor gaartay milkiilaha Facebook, Mark Zuckerberg, kaasoo bilyaneer noqday isagoo 23 jir ah.

“Waxba ma aanan fileyn, iimana muuqan mustaqbalka noocan ah”, ayay tiri Kylie.

Kylie ayaa sheegtay in waalidkeeda oo lagu kala magacaabo Kris iyo Caitlyn Jenner ay markii ay 15 sano gaartay u sheegeen inay hanti ay leedahay ay tabcato.

Kylie JennerLahaanshaha sawirkaGETTY IMAGES
Image captionJenner

Aasaasaha shirkadda Amazon, Jeff Bezos, ayaa ah ninka ugu taajirsan adduunka, waxaana uu haystaa 131 bilyan oo dollar.

Tirada bilyanneerada caalamka ayaa hoos u dhacday sanadkan oo waxa ay noqdeen 2,153 qof, halka sanadkii 2018 ay ahaayeen 2,208 qof. Dhammaan bilyaneerada liiska ku jira 252 oo keliya ayaa dumar ah.

Liiska maalqabeennadaasi waxaa ku jira 52 muwaadin oo u dhashay UK, waxaana ugu sarreeya walaalaha Hinduja, Srichand iyo Gopichand oo haysta adduun lacageed oo lagu qiyaasay 16.9 bilyan oo dollar.

Kylie JennerLahaanshaha sawirkaGETTY IMAGES
Image captionJenner

“Waxa ay ku soo caanbaxday oo ay hantida iyo aqoonsigaba ku heshay waa magaca qoyskeeda. Waxaa u sahlan oo ay helaysaa fursado badan, xirriiro wanaagsan oo u hirgeliyey inay noqoto bilyaneerka ugu da’da yar adduunka.” Ayuu yiri Samuel oo ah weriye.

“Aqoonsiga, hantida iyo ganacsigeeda ayaa ahayd mid la hubay inay hirgelayso ka hor inta aysan billaabin.”

Kylie JennerLahaanshaha sawirkaGETTY IMAGES
Image captionKylie Jenner

Siday Jenner hantidaan ku samaysay?

Kris Jenner, Kendall Jenner, Kylie Jenner, Kim Kardashian-WestLahaanshaha sawirkaGETTY IMAGES
Image captionKris Jenner, Kendall Jenner, Kylie Jenner, Kim Kardashian-West

Jenner, iyada oo 10 sano jir ah ayey ku soo biirtay barnaamij taxane ah oo telefishinka ka bixi jiray oo lagu soo bandhigo nolosha qoyskeeda.

Muddo 10 sano ah kaddib, waxa ay noqotay qofka ugu lacagta badan qoyskeeda.

“Haddii aysan Jenner ka soo jeedi lahayn qoys caan ah, laga yaaba in aanan loo magacaabi lahayn bilyaneerka ugu da’da yar adduunka,” Ayey tiri Jessica Morgan oo ah haweenay ka shaqaysata qurxinta dumarka filimada jila.

4 arrimood oo ku saabsan ganacsiga Kylie Jenner

  1. Waxay aasaastay shirkadda Kylie Cosmetics 2015-kii.
  2. Shaqaalaha ka howlgala shirkadda ayaa ah 7 qof oo ah shaqaale toos ah iyo 5 kale oo shaqeeya xiiliyada qaar.
  3. Ganacsigeeda ayaa waxa ay ku bilawday lacag gaaraysa 250,000 oo doolar.
  4. Hooyadeed, Kris ayaa maaraysa qarashaadka ganaacsiga.
Kylie JennerLahaanshaha sawirkaGETTY IMAGES
Image captionJenner

Gabadhan ayaa waxa ku taxan taageerayaal gaaraya 175 milyan oo qof, iyadoo la sheegay in shirkaddeeda ay hormarka ugu weyn ka samaysay dhanka baraha bulshada.

Xigasho BBC


Shabakada Baahin.com Kala Soco Wararkii Ugu Danbeeyay

Nagala Xiriir E-mail cabkayare@gmail.com

Fikradaha Akhristayaasha (0)




ads

WP Facebook Auto Publish Powered By : XYZScripts.com